Subscribe në Ora News këtu http://bit.ly/1s5j7UT
"Nëse më marrin shtëpinë më kanë marrë jetën!"Ilir Alimeta është kryefamiljari që rrezikon të mos banojë më në këtë shtëpi të ndërtuar prej vitit 1994. Së bashku me mbi 20 familje në zonën e Tufinës në vitin 1996 ai ka nisur betejën ligjore për të gëzuar pronën që e ka përfituar prej ligjit 7501 në vitin 1991.
Iliri që nuk e ndjeu kurrë lirinë e të qenit i mbrojtur nga institucionet e shtetit thotë se shtëpinë e ka ndërtuar konform ligjeve, zotëron certifikatën e pronësisë dhe banesa është në proces legalizimi.
Alimeta: Jemi njohur me një vendim absurd të kryetarit të Gjykatës së Lartë Thimjo Kondi që na ka futur në këto siklete dhe në vendim nuk ka të cilësuar asgjë, thotë kthim sendi, por çfarë sendi duhet t'ju kthej unë atyre?
Për dy dekada Ilir Aliameti është endur në dyert e gjykatave për të kërkuar të drejtën e tij por thotë se është përballur me vendime korruptive e në shkelje të ligjit.
Aliameti: Ata na kanë vrarë. Ata na kanë vrarë nga ana psikologjike, jo që të shembim shtëpinë të shkojmë edhe të hidhemi në lumë se nuk kemi ku shkojmë.
Në nëntor përmbarimi u mori ato pak orendi, që Iliri i ka blerë duke shitur lule dhe në disa prej dhomave kanë ngelur vetëm muret.
Varfëria është një tjetër sfidë për ta, prej vitit 1996 ku u njohën me ish-pronarët e tokës ku banojnë, u duhet që çdo ditë ta jetojnë me frikën se nuk do të kenë më një strehë mbi kokë.
Për më shumë lexoni në: http://oranews.tv/article/kalvari-drejtesi-20-familje-ne-zonen-e-tufines-deshmojne-endjen-ne-gjykata
