Subscribe në Ora News këtu http://bit.ly/1s5j7UT
Kryeministri Edi Rama premtoi se brenda 4 viteve Shqipëria do të ketë akse të mirëfillta kombëtare me standardet dhe shërbimet e kërkuara. Në aktivitetin mirëmbajtja e rrugëve dhe krijimi i flotës së solidaritetit kryeministri tha se vendi nuk ka asnjë aks me parametrat e kërkuara.
Rama: I qëndrojmë bindjes se, nëse sot nuk kemi as edhe një rrugë kombëtare që mund të certifikohet me standarde sigurie dhe qarkullueshmërie të Bashkimit Euorpian, brenda këtyre katër viteve, kjo situatë do të ndryshojë dhe ne do të kemi akse të rëndësishme kombëtare të certifikueshme me standardet e BE.
Duke u ndalur tek mirëmbajtja e rrugëve dhe flota e solidaritetit Rama tha se nuk do të ketë më tolerime sa i përket bllokimit të rrugëve nga dëbore.
Rama: Me prefektët kemi biseduar që kësaj bërthame të Flotës së Solidaritetit, që është një bërthamë stabile, do t?i shtohen jo vetëm kompanitë, rreth 58 kompani, në mos gabohem, që operojnë në pjesën tjetër të territorit për mirëmbajtjen e atyre rreth 2900 kilometrave që janë rrugë më dytësore, por jo dytësore për nga rëndësia, por edhe sipërmarrje të tjera, të cilat do të regjistrohen në këtë Flotë
Rama tha se është drejt zgjidhjes edhe ajo që e quajti nyja më e vështirë në këto vite që lidhet me by passin e Fierit dhe Vlorës dhe sëshpejti do të fillojnë punimet pa ndërprerje.
Për më shumë lexoni në:
http://oranews.tv/article/rama-brenda-4-viteve-do-te-kemi-rruge-me-standardet-e-be
