Me rastin e Ditës Ndërkombëtare të Punëtorëve, sindikatat i kanë bërë thirrje qeverisë që të sigurojë punë dhe paga dinjitoze për qytetarët.
Kreu i Konfederatës së Sindikatave, Kol Nikollaj, theksoi se në Shqipëri vendet e punës janë të pasigurta për shkak të presioneve politike.
Në protestën e sindikatave për 1 Majin, siç është bërë traditë në vendin tonë kanë marrë pjesë pak qytetarë. Të pranishëm kanë qenë vetëm minatorë dhe naftëtarë, të cilët kanë vijuar të kërkojnë që qeveria të mbaj premtimet për punonjësit e këtyre dy sektorëve të rëndësishëm në ekonomi.
Ndryshe nga sa ndodh në vendet e tjera të botës, ku më 1 Maj punonjësit dalin në protesta për të kërkuar të drejtat e tyre, në Shqipëri, kjo datë kaluar si ditë pushimi, ku qytetarët kanë mbushur kafet me shumë se zakonisht.
