Subscribe në Ora News këtu http://bit.ly/1s5j7UT
5 komunitetet fetare në Shqipëri konfirmojnë vullnetin e tyre për të qenë bashkë në luftën ndaj çdo lloj kërcënimi në botë në emer të besimit. Harmonia fetare është modeli i Shqipërisë, ndaj drejtuesit e komuniteteve konfirmuan ruajtjen e kësaj vlere.
Kur flitet për harmoninë fetare në Shqipëri, padyshim këto imazhe janë përfaqësimi më dinjitoz.
Drejtuesit dhe përfaqësuesit e 5 feve zyrtare janë bashkë për të diskutuar mbi një nga kërcënimet më të mëdha në botë, terrorizimin në emer të fesë.
Për kryetarin e Komunitetit Mysliman, toleranca fetare është domosdoshmëri jetike.
Skënder Bruçaj: Ka qëndruar dhe është zhvilluar e frocuar duke u shndërruar në një vlerë të çmuar identifikuese për shoqërinë tonë.
Anastas Janullatos: Shqipëria përjetoi vitet e errëta gjatë komunizmit duke përndjekur klerikët. Pas viteve 90 ne jemi munduar të rrënjosim harmoninë fetare. Ne për ketë nuk duhet të themi thjesht të jemi krenarë, ne duhet të themi që Shqipëria është model.
George Frendo: Shqipëria është një vend laik, por nuk është laicist, sepse politikanët shqiptarë nuk e kanë instrumentalizuar apo manipuluar besimin për ambicjet e tyre politike.
Haxhi Dede Edmond Brahimaj: Por nëse zoti i madhëruar na ka falur këtë mrekulli ne sigurisht që falemi atij për çdo mirësi në këtë botë dhe në tjetrën.
Për më shumë lexoni në: http://oranews.tv/article/pese-komunitetet-fetare-bashke-harmonia-fetare-eshte-model-vullnet-te-shmangim-terrorizimin
