Policia e Lezhës ka sekuestruar dy mina me telekomandë, duke vënë në pranga poseduesin e tyre. Finalizimi me sukses i operacionit 'Skuter' ka çuar në pranga 36-vjeçarin nga Tirana, Fatjon Llanaj, i cili është teksa udhëtonte me motor me dy minat e fshehura në një çfantë.Njoftimi i policisë:
Finalizohet operacioni i koduar "Skuter". Sekuestrohen 2 mina me telekomandë. Arrestohet në flagrancë poseduesi i tyre. Më datë 10.05.2018, në vijim të punës për parandalimin e ngjarjeve kriminale dhe goditjen e veprimtarive të kundraligjshme duke vendosur para përgjegjësisë ligjore autorët e dyshuar, nga efektivët e Seksionit kundër trafiqeve të paligjshme në Drejtorinë Vendore të Policisë Lezhë, bazuar në informacione të siguruara në rrugë policore, u bë i mundur arrestimi në flagrancë i shtetasit:
- Fatjon Llanaj, 36 vjeç, banues në Tiranë.
Ky shtetas u kap afër Mbikalimit të Patokut, duke drejtuar një motor tip Piaggo pa targë, ku në një çantë kishte të fshehur 2 mina me telekomandë të cilat u sekuestruan në cilësinë e proves materiale.
Vepra penale në ngarkim të tij " Mbajtja pa leje dhe prodhimi i armëve, armëve shpërthyese dhe municionit" parashikuar nga neni 278/5 i Kodit Penal. Materialet proçeduriale iu referuan Prokurorisë së Rrethit Gjyqësor Kurbin, për veprime të mëtejshme.
