Janë momentet e mbërritjes në ambientet e Policisë së Tiranës të anëtarëve të arrestuar të grupit të Met Kananit, i arrestuar në fillim të muajit Prill nga në policia turke me 1.1 tonë drogë.
13 persona u arrestuan mbrëmjen e së premtes nga Policia e Shtetit në operacionin e koduar ?Precizion?, i drejtuar nga Prokurorja e Krimeve të Rënda, Elisabeta Imeraj. Gjykata ka nxjerrë 18 urdhër arreste nga të cilët u ekzekutuan 13, 4 të tjerë janë arrestuar kohë më parë në Turqi, një në Maqedoni, ndërsa një person u shpall në kërkim.
"Këta persona vepronin si grup i strukturuar kriminal, për trafikimin e lëndëve narkotike. Veprimtarinë kriminale e ushtronin në Shqipëri dhe në vende të tjera, kryesisht ato të Bashkimit Europian. Dyshimet ishin se ky grup kriminal vepronte në linjat e trafikimit të heroinës, Turqi ? Greqi ? vendet e BE-së, si dhe Turqi ? Maqedoni ? Shqipëri ? vendet e BE-së. Një tjetër aktivitet kriminal, i zbuluar nga hetimet ishte trafikimi i kokainës nga vendet e Amerikës Latine përmes vendeve të Ballkanit në Shqipëri dhe vendet e BE-së".
Grupi dyshohet se ka trafikuar kryesisht në drejtim të Turqisë dhe Greqisë, një sasi prej rreth 8 tonë kanabis me një vlerë prej rreth 10 milionë eurosh. Prokurorja e Krimeve të Rënda, Elisabeta Imeraj tha se po hetohet dhe për pasuritë e të arrestuarve.
Këtij grupi në Itali i është sekuestruar 2.1 tonë drogë në disa ngarkesa të ndryshme, si dhe qindra kilogramë të tjera janë sekuestruar në Greqi. Po kështu janë sekuestruar armë municione e sende të tjera të paligjshme gjatë operacioneve të mëparshme.
