Subscribe në Ora News këtu http://bit.ly/1s5j7UT
Bastisja e prokurorisë së Durrësit kishte si qëllim dëmtimin e hetimin për abuzimin me tokat në Ishëm të Durrësit. Besnik Bushi, një nga dy të dyshuarit ishte pjesë e këtij hetimi pasi kishte marrë mbi 3 mijë metra tokë në Ishëm në mënyrë abuzive nga ish-kryekomunari, Sulejman Ibrahimi. Ai veproi bashkë me Artur Isën edhe ky i arrestuar.
Besnik Bushi, një nga dy personat e vënë në pranga të premten si të dyshuar për bastisjen e prokurorisë së Durrësit është i afërm i Sulejman Ibrahimit, ish-kryekomunari i Ishmit të akuzuar për abuzime me pronat në zonën e Gjirit të Lalzit.
54 vjeçari Bushi rezulton se ishte person nën hetim pasi kishte përfituar 3586 metra tokë në mënyrë të paligjshme dhe dyshohet se grabitja e dokumenteve nga zyra e Prokurorise, kishte qëllim prishjen e provave ndaj tij.
Hetimet për këtë dosje po ndiqeshin nga prokurori, Afrim Shehu, në zyrën e të cilit u morën disa fashikuj të dosjes ndërsa u grisën të tjera dokumente.
Por në një reagim të parë, prokurori i task-forcës thotë se hetimi nuk është cënuar.
Afrim Shehu: ?Janë marrë vetëm disa akte ekspertimi, të një dosjeje që ka lidhje me hetimet për komunën Ishëm. Gjithashtu janë grisur disa dokumenta. Qëllimin e kanë pasur për të prishur hetimet, por kjo gjë nuk do të ndodh. Nuk dëmtohen hetimet, është rast që rikuperohet?.
Bushi u fut në prokurori bashkë me Artur Isën, por u kapën falë kamerave të sigurisë së bizneseve të zonës, ndërsa vërtetimi i faktit se ata hynë nga në institucion nga dera qëndore çoi në pranga rojen private Nias Lena 56 vjeç si bashkëpuntor i dyshuar. Ndërsa nën verifikim janë të gjithë punonjësit e prokurorisë së Durrësit.
Vetë të arrestuarit nuk e pranojnë akuzën, duke pretenduar se s'kanë lidhje fare me këtë ngjarje që po hetohet nga prokurori Olsian Çela.
Për më shumë lexoni në: http://oranews.tv/article/i-arrestuari-grabitjet-e-dosjeve-ne-prokurori-nen-akuze-grabitje-pronash-ne-ishem
