Subscribe në Ora News këtu http://bit.ly/1s5j7UT
Një agjenci amerikano-gjermane do të asistojë Shqipërinë në luftën kundër krimit ekonomik dhe evazionit.
Marrëveshja midis Ministrisë së Brendshme dhe Ministrisë së Financave dhe Ekonomisë me ERNST & Young Gmbh u nënshkrua sot në Kryeministri.
Ministri Fatmir Xhafaj, e cilësoi këtë bashkëpunim një vlerë të shtuar.
Xhafaj: Operacioni Forca e Ligjit na ka dhënë një mësim të rëndësishëm.Sado e fortë të jetë një agjensi, sado burime njerëzore të ketë ajo nëse nuk kemi një kordinim të mirë mes gjithë agjensive që operojnë në këtë fushë nuk mund të bëjmë suksesin e duhur.
Në kontekstin e planit të veprimit që adreson çështjet që lidhen me luftën kundër krimit ekonomik, pastrimit të parave dhe korrupsionit, mbetet një nga domosdoshmëritë. Ofrimi i një kompanie të tillë prestigjioze me eksperiencë ndërkombëtare besoj se do të jetë një vlerë e shtuar nga pikëpamja e nevojës që kemi për të bërë analiza të rëndësishme, për të identifikuar se cilat mund të jenë organizimet më të përshtatshme, për rritur trajnimin e burimeve që kemi.
Ndërsa Rama tha se "vlera e kësaj skuadre që vjen në Shqipëri për të punuar me agjensitë tona kundër krimit ekonomik dhe evazionit qëndron në faktin se së pari është një skuadër gjermano-amerikane me dy drejtues, njëri me eksperiencë si drejtues i FBI, dhe tjetri si një person që ka mbuluar pozicione drejtuese në strukturat e shtetit gjerman kundër krimit ekonomik".
Kjo marrëveshje, tha Rama, nuk është marrëveshje konsulence por një marrëveshje veprimtarie të përbashkët në terren.
Rama: Një ekip i gjerë gjermano-amerikan ekspertësh do të vendoset këtu në Shqipëri dhe do të punojë ngushtësisht me strukturat e hetimit të Ministrisë së Financave, Hetimit Tatimor dhe Doganor dhe Strukturën e Krimit Ekonomik të Policisë së Shtetit për të mundësuar çeljen e një procesi pune të përbashkët me një metodologji bashkëkohore dhe të sofistikuar dhe rritjen e kapaciteve të këtyre agjencive në goditjen e një fenomeni me të cilin është koha të merremi dhe më thellësisht pasi kemi shënuar dhe disa rezultate të rëndësishme.
Ministria e Brendshme dhe Policia e Shtetit, kanë garantuar një rezultat shumë domethënës në identifikimin dhe pastaj ngrirjen e aseteve financiare të krimit.Goditja e rrjeteve të krimit të organizuar kërkon një ndërveprim dhe kordinim midis shumë strukturash dhe nuk mjafton vetëm struktura që është e angazhuar në rutinën e përditshme.Për nga përmasat dhe rrezja e veprimit kjo srtrukturë e re që do të krijohet është shumë më e vogël por për nga synimet dhe përmbajtja është i njëjti model i bazuar tek eksperienca më e mirë ndërkombëtare.
Për më shumë lexoni në:
http://oranews.tv/article/nje-agjensi-amerikano-gjermane-do-asistoje-shqiperine-ne-luften-kunder-krimit-ekonomik-dhe-evazionit
