സുസുക്കി ഓഫ്‌റോഡ് ബൈക്കുകള്‍ ഇന്ത്യയില്‍

സുസുക്കി RM-Z250, RM-Z450 മോഡലുകള്‍ വിപണിയില്‍ പുറത്തിറങ്ങി

സുസുക്കിയുടെ പുതിയ ഓഫ്‌റോഡ് ബൈക്കുകള്‍ ഇന്ത്യയില്‍ .സുസുക്കി RM-Z250, RM-Z450 മോഡലുകള്‍ വിപണിയില്‍ പുറത്തിറങ്ങി. രാജ്യാന്തര തലത്തില്‍ സുസുക്കിയുടെ ഏറ്റവും പ്രശസ്തമായ ഓഫ്‌റോഡ് ബൈക്ക് ശ്രേണിയാണ് RM-Z.7.10 ലക്ഷം രൂപ വിലയില്‍ RM-Z250 വില്‍പനയ്‌ക്കെത്തുമ്പോള്‍, 8.31 ലക്ഷം രൂപ വിലയില്‍ RM-Z450 കമ്പനി ഷോറൂമുകളില്‍ അണിനിരക്കും. ലിക്വിഡ് കൂള്‍ഡ് സംവിധാനമുള്ള 249 സിസി ഒറ്റ സിലിണ്ടര്‍ ഫ്യൂവല്‍ ഇഞ്ചക്ടഡ് DOHC എഞ്ചിനാണ് സുസുക്കി RM-Z250 -യില്‍. ബൈക്കിന്റെ ഭാരം ഗണ്യമായി കുറയ്ക്കാന്‍ അലൂമിനിയം റിമ്മുകളുടെ ഉപയോഗം സഹായിച്ചിട്ടുണ്ട്.ഓഫ്‌റോഡ് സാഹസങ്ങള്‍ക്കും മോട്ടോക്രോസ് മത്സരങ്ങള്‍ക്കും ഏറെ അനുചിതമാണ് പുതിയ RM-Z250.106 കിലോ മാത്രമെ RM-Z250 -യ്ക്ക് ഭാരമുള്ളൂ. നിരയില്‍ മുതിര്‍ന്ന RM-Z450 -യുടെ കാര്യമെടുത്താല്‍ 449 സിസി ലിക്വിഡ് കൂള്‍ഡ് ഒറ്റ സിലിണ്ടര്‍ ഫ്യൂവല്‍ ഇഞ്ചക്ടഡ് DOHC എഞ്ചിനാണ് ബൈക്കില്‍.മൂന്നു റൈഡിംഗ് മോഡുകളുള്ള സുസുക്കി ഹോള്‍ഷോട്ട് അസിസ്റ്റ് കണ്‍ട്രോള്‍ RM-Z450 -യുടെ മികവു വര്‍ധിപ്പിക്കും. ബാലന്‍സ് ഫ്രീ റിയര്‍ കുഷ്യന്‍ ടെക്‌നോളജി ലഭിക്കുന്ന ആദ്യ മോട്ടോക്രോസ് ബൈക്ക് കൂടിയാണ് സുസുക്കി RM-Z450.