Sa herë ata janë bashkë në aktivitete politike të PS, nuk mungojnë batutat mes kryeministrit Edi Rama dhe ministrit të shtetit për Diasporën, Pandeli Majko. Edhe sot në shpërndarjen e teserave të anëtarësimit për simpatizantët e PS-së në Njësinë Nr.5 në Tiranë, Rama ka shkëmbyer batuta me Majkon.
Për të disatën herë, Rama rrëfeu se kartën e anëtarësimit në PS ia ka dhënë Pandeli Majko. Duke u rikthyer në retrospektivë, kreu i qeverisë tha gjithashtu se Majko nuk kishte kishte qenë dakord që ai të kandidonte për kryetar PS-je. Ajo që i kishte propozuar Majko, tha Rama, ishte që ai të hiqte dorë nga çorapet e kuqe dhe të martohej.
Batutat e Ramës dhe Majkos:
Edi Rama: Kartën e parë me këmbë të mbare e jep Pandi, se Pandi gjithmonë ka pasur këmbë të mbarë. Ndonjëri dhe i ka humbur rrugës, por disa?
Pandeli Majko: Unë dua të bëj një ndryshim nga herët e tjera, dua që kartën ta jap një nga protagonistet e partisë?
Edi Rama: Kur u bëra kryetari i partisë me Pandin ishim kështu, jo në luftë, por në distancë luftarake. Se Pandi nuk donte që të bëhesha unë kryetar partie që të jemi të qartë, se ju nuk e dini historinë, dhe unë u bëra. Mirëpo Pandi u zgjodh sekretar i përgjithshëm. Mirëpo Pandi nuk e kishte gëlltitur dot këtë punë.
Unë shkova tek zyra e Pandit dhe i thash ?vajti si vajti kjo u bënë, ti nuk më deshe, por ja ku me kë unë këtu jam?. Më pa dhe në tha ?ti hiqi çorapet e kuqe, martohu dhe me mua je në rregull?. E donte kryetarin e partisë të martuar.
