జగిత్యాల జిల్లా మల్లాపూర్ మండలం కొత్త దాంరాజ్‌పల్లి గ్రామంలో శ్రీ విశ్వేశ్వర మహాపీఠంలోని శ్రీ చక్ర ఆలయానికి స్వామి పరిపూర్ణానంద శుక్రవారం ఉదయం భూమి పూజ చేశారు. ఈ సందర్భంగా ఆయన ప్రసంగిస్తూ... సమ్మక్క-సారలమ్మ జాతర ప్రపంచంలోనే అతిపెద్ద జాతర అని పేర్కొన్నారు. వన దేవతల దర్శనానికి ఎన్నో రాష్ట్రాల నుంచి భక్తులు తరలివస్తారని చెప్పారు. సమ్మక్క సారలమ్మ సాక్షాత్తూ పార్వతి-లక్ష్మీ స్వరూపాలని కొనియాడారు. ఈ సందర్భంగా వనదేవతలపై చినజీయర్ స్వామి చేసిన వ్యాఖ్యాలపై ఆయన స్పందిస్తూ... ఆయన ఏదో అలా అనేశారని పేర్కొన్నారు. భక్తులకు హిందూ సంస్కృతి గురించి వివరించిన స్వామి పరిపూర్ణనంద.. ఎదుటి వ్యక్తి మనకు తెలిసినా, తెలియకున్నా కడుపునిండా అన్నం పెట్టే సంస్కృతే భారతీయ సంస్కృతి అని తెలిపారు.
