મોરબીમાં મચ્છુ નદી પરનો ઝૂલતો પુલ ધરાશાયી થતાં 141 લોકોના કરૂણ મોત થયા છે. ઘટનાસ્થળે હજુ પણ બચાવ કાર્ય ચાલુ છે અને ઘણા લોકોને બહાર કાઢવામાં આવી રહ્યા છે. આ પુલ છેલ્લા ઘણા મહિનાઓથી બંધ હતો જેનું સમારકામ કરી પાંચ દિવસ પહેલા જ ખુલ્લો મુકવામાં આવ્યો હતો. પરંતુ એવું કહેવામાં આવી રહ્યું છે કે રવિવારે વધુ લોકો પુલ પર આવ્યા હતા, જેના કારણે તે તૂટી ગયો હતો અને આ એક મોટી દુર્ઘટના બની હતી. હવે આ અકસ્માત અંગે મોરબી નગરપાલિકાના ચીફ ઓફિસર દ્વારા મોટો દાવો કરવામાં આવ્યો છે.
