میری موت کو میرے لیے آسان بنا دے۔ اے میرے رب
میرا خاتمہ ایمان پر فرما۔
میں تیری پناہ میں آتا ہوں کہ شیطان میرے آخری وقت میں مجھے گمراہ نہ کرے۔
اے میرے رب! مجھے قبر کی تنہائی اور اس کے عذاب سے بچا۔
مجھے اپنی امان میں لے لے۔
یا اللہ! قیامت کے دن کی گھبراہٹ سے پناہ عطا فرما،
اور مجھے اپنے عرش کا سایہ نصیب فرما۔
یا اللہ! اے رحمان، اے رحیم، اے کریم!
قیامت کے دن جب تیرے محبوب نبی صلی اللہ علیہ وسلم کہیں گے:
"یا امتی، یا امتی" تو مجھے یہ آواز سننے کی سعادت عطا فرما۔
مجھے کوثر کا وہ جام عطا فرما جو تیرے نبی صلی اللہ علیہ وسلم کے ہاتھ سے ملے،
اور میری پیاس ہمیشہ کے لیے بجھا دے۔
اے عزت اور کرم والے رب!
جب میں تیرے سامنے پیش ہوں،
تو میرا حساب آسان بنا دینا۔
میرے گناہوں کو لوگوں سے اور حضور صلی اللہ علیہ وسلم سے چھپا لینا۔
مجھے معاف فرما دینا،
اور میرا نور مکمل فرما دینا۔
یا اللہ! مجھے پل صراط سے سلامت گزار دینا،
اور جہنم کی آگ کو مجھ پر حرام کر دینا۔
یا اللہ! اے عزت والے رب!
مجھے وہاں پہنچا دینا جہاں جنت کے دروازے کھل رہے ہوں،
جہاں حضرت بلال حبشی رضی اللہ عنہ، نبی پاک صلی اللہ علیہ وسلم کی اونٹنی کی نکیل تھامے جنت میں جا رہے ہوں،
جہاں خوشیاں ہو رہی ہوں۔
میرے اہل و عیال، رشتے دار، دوست،
اور یہ دعا پڑھنے والے،
اور جن سے بھی میری ملاقات ہوئی،
ہم سب کو وہاں اکٹھا فرما،
جہاں نہ کوئی غم ہو، نہ درد، نہ تھکن، نہ پریشانی۔
اے رب! تجھے تیری ربوبیت کا واسطہ،
ہمیں جنت کے مشروب: رحیق المختوم، زنجبیل اور تسنیم سے محروم نہ فرمانا۔
