من جديد أهلاً وسهلاً بيكو.. القضية الأهم لمستقبل مصر منذ اندلاع الثورة.. الدستور.. مين بيكتب الدستور؟ مستقبل الجمعية التاسيسية.. دستور مصر هيأسس لدولة مدنية ديمقراطية حديثة.. أم سيكون دستور موجه؟ يعبر عن 70% من الشعب ولا 80 % من الشعب.. ولا هيعبر عن 100% من الشعب. الأهم من كده الرئيس محمد مرسي تعهد مع بعض القوى السياسية قبل إعلان نتائج الانتخابات الرئاسية بإنه فى حالة فوزه هيتدخل لتعديل الجمعية التأسيسية بحيث تكون أكثر تمثيلاً لجميع مكونات المجتمع المصري. والآن الجمعية التاسيسية مستمرة فى عملها وفى كلام إنها هتنتهى من الدستور فى شهر رمضان، يعنى مفيش تعديل فى تشكيلها، معانا انهارده أحد وكلاء الجمعية التأسيسية لإعداد الدستور، وهو معارض قديم.. كانت له معارك كبيرة مع النظام السابق، من أكتر المعارضيين اللي مبارك نكل بهم، حتى أودعه فى السجن.
معانا الدكتور أيمن نور وكيل الجمعية التاسيسية ورئيس حزب غد الثورة
