السلام والتحية على حضراتكوا ..أهلا بيكو معانا، ولغاية دلوقتي محدش عارف ايه اللي بيحصل هل فيه صراع على السلطة بين الرئاسة والقوات المسلحة او بمعنى ادق احنا في مرحلة فرض نفوذ وكل طرف بيحاول ياخد اكتر مكان من النفوذ والمحاولات ديه اتحولت لمواجهات معلنة او غير معلنة بين المؤسستين دولا .. شوية نلاقي كلام يطلع عن اقالة السيسي، وبعدها الكلام يتنفي بعد ما يطلع كلام من المؤسسة العسكرية واللي بتحذر من قرارات زي ديه وبعدها كمان نلاقي نفي من المؤسسة العسكرية للكلام ده برضوة.
وتصريحات متبادلة بين المؤسستين وكل واحدة فيهم عاوزة تقول للتانية انا اهوه.. واللي بيحصل .. ونفس المشهد بنشوفه دلوقتي في بورسعيد بنلاقي كلام بيطلع عن ان الرئيس مرسي بيدرس سحب قوات الشرطة من المحافظة بأكملها وتسليمها للقوات المسلحة للقيام بعمليات التأمين بمفردها ... وبعهدها نفت الرئاسة الكلام ده على وكالة انباء الشرق الاوسط .
